ინტერნეტსივრცეში გაჩნდა პეტიცია, რომლითაც ამერიკელები დამანგრეველი ქარიშხალ ირმასთივს ივანკა ტრამპის სახელის დარქმევას მოითხოვენ. ამის მიზეზად კი კლიმატის ცვლილებებთან დაკავშირებით დონალდ ტრამპის ბოლოდროინდელ ქმედებებს ასახელებენ, ხოლო ივანკა ტრამპს მამის “დამანგრეველი” გადაწყვეტილებების ხელშეწყობაში ადანაშაულებენ:

“ივანკა ტრამპმა, რომელიც დაგვპირდა რომ ზოგიერთ საკითხთან დაკავშირებით მამაზე იქონიებდა გავლენას ისეთებზე, როგორიცაა კლიმატის ცვლილება, მან მშვიდად მიიღო ადმინისტრაციის გადაწყვეტილება ამ მეტად მნიშვნელოვან საკითხზე.”

პეტიციის თანახმად, ბოლო პერიოდში კლიმატურმა ცვლილებებმა ქარიშხლებზეც იქონია გავლენა და ამის მაგალითად ორი კვირის წინ ტეხასში ქარიშხალ ჰარვის დამანგრეველი შედეგები მოაქვთ:

“ამიტომ გვსურს, რომ მსოფლიოს მეტეოროლოგიურმა ასოციაციამ ქარიშხალ ირმას ივანკას სახელი დაარქვას. ტრამპის ადმინისტრაციაზე ზეწოლა უნდა მოვახდინოთ, რათა ჩვენი მსოფლიოსა და მომავლის ჯანმრთელობისა და უსაფრთხოებისთვის რეალური პოზიცია დავიჭიროთ.”

პეტიციას უკვე ექვსი ათასზე მეტი ხელმომწერი ჰყავს.

1 ივნისს დონალდ ტრამპნა განაცხადა, რომ ამერიკის შეერთებული შტატები პარიზის კლიმატის ცვლილების შეთანხმებას დატოვებდა. ტრამპის აზრით, შეთანხმება არასამართლიანია აშშ-სთან და მისი გადასახადების გადამხდელებთან მიმართებით.

on.ge

დატოვეთ კომენტარი

კომენტარები

Загрузка...