,,ხალხის პარტიის” თავმჯდომარე ალექსანდრე კობაიძე ტყიბულში მინდელის მაღაროში დაღუპულთა ოჯახებს სამძიმარს უცხადებს. ,,ძალიან მძიმე და სამწუხარო ფაქტია რაც ტყიბულში მოხდა, ვწუხვარ ფაქტის გამო და სამძიმარს ვუცხადებ დაღუპულთა ოჯახებს და მათ კოლეგებს.
 სამწუხარო და ამავდროს მნიშვნელოვანია ჩვენი ქვეყანის ხელისუფლების დამოკიდებულება შრომის უსაფრთხოების პირობების უგულველყოფაში. ისინი კერძო კომპანიების წარმომადგენლებს პირობასაც ვერ უყენებენ, რომლითაც დასაქმებულს დაიცავენ. სამწუხაროდ სახალხო დამცველის აპარატმა საგანგაშო სტატისტიკა გამოაქვეყნა სადაც მხოლოდ 2016 წლის მონაცემებია დღემდე, მათი განცხადებით შარშან მაღაროში 58 ადამინი გარდაიცვალა, ხოლო 84 დაშავდა, რაც იმას ნიშნავს, რომ ქვეყანაში უსაფრთხოების საკითხები არ არსებობს და დასაქმებულთა სიცოცხლისა და ჯამრთელობის უფლებას არავინ იცავს. ასევე მნიშვნელოვანი ინფორმაცია გაავრცელა ჯანდაცვის სამინისტროს შრომისა და დასაქმების პოლიტიკის დეპარტამენტის უფროსმა. მისი თქმით შარშან ტყიბულის მაღაროში შრომის ინსპექტორების მიერ აღმოჩენილი იქნა დარღვევები, რომელიც კომპანიის მხრიდან ნაწილობრივ იქნა გამოსწორებული.
 მოვუწოდებ ხელისუფლებას აკონტროლოს ბიზნეს სექტორი და პატივი სცეს დასაქმებულთა უფლებებს, დაიცვან შრომითი, უსაფრთხოების და სიცოცხლის უფლებები.”- აცხადებს ალექსანდრე კობაიძე.

დატოვეთ კომენტარი

კომენტარები

Загрузка...