აზერბაიჯანში დიაბეტისა და სხვა ენდოკრინული დაავადებების გამომწვევი ვირუსი „კოსაკი“ მძვინვარებს.

ამის შესახებ სააგენტო „სპუტნიკს“ აზერბაიჯანელმა ექიმმა ენდოკრინოლოგმა ლალა ალჯანმა უამბო.

„პირველი“ საქართველოში აღნიშნული ვირუსის გავრცელების საკითხზე სამედიცინო წრეებს დაუკავშირდა. ქვეყნის ტერიტორიაზე „კოსაკის“ ვირუსის არსებობა არ დასტურდება.

აზერბაიჯანელი ექიმის თქმით, დღეს ყველაზე გავრცელებული დაავადება ადამიანებს შორის დიაბეტია. უმეტეს შემთხვევაში ის თანდაყოლილია, თუმცა ხანდახან შეძენილიც შეიძლება იყოს. მეორის შემთხვევაში, პანკრეასზე, რომლის პათოლოგიებიც იწვევს დიაბეტს, ბევრ ფაქტორს აქვს გავლენა, ერთ-ერთი მათგანი „კოსაკი“-ს ვირუსია.

ალჯანთან ისეთი პაციენტები მიდიან, რომლებსაც წესით არ უნდა ჰქონოდათ დიაბეტი. თუმცა, უამრავი ანალიზის ჩაბარებისა და პაციენტთან საუბრის შემდეგ ცხადი ხდება, რომ ამ ადამიანმა ცოტა ხნის წინ გადაიატნა ვირუსული დაავადება, რომელიც გრიპს წააგავს.

სხვათა შორის, „კოსაკი“ ისევე ვრცელდება ადამიანიდან ადამიანზე, როგორც სხვა ვირუსული დაავადებები. ის ხელს უწყობს არა მხოლოდ დიაბეტის ჩამოყალიბებას, არამედ ადამიანის ენდოკრინული სისტემის სხვა ორგანოების დაზიანებასაც.

ექიმი ამბობს, რომ დიაბეტი ძალიან „გაახალგაზრდავდა“ და პაციენტებს შორის 19 წლის ადამიანებიც არიან. ამის ერთ–ერთ მიზეზად ისევ და ისევ „კოსაკი“–ს გადამდები ვირუსი სახელდება.

„პირველი“ ქართველ ენდოკრინოლოგებს ესაუბრა ზემოხსენებულ ვირუსთან დაკავშირებით. მათი თქმით, ვირუსი „კოსაკი“ ნამდვილად იწვევს სხვა და სხვა სირთულის და მიმართულების, მათ შორის, ენდოკრინულ დაავადებებს, თუმცა ეს არ ნიშნავს, რომ ადამიანი, რომელსაც შეეყრება ეს ვირუსი, აუცილებლად გახდება ისეთი მწვავე დაავადების მატარებელი, როგორიცაა დიაბეტი.

სრული ვერსიის ნახვა pia.ge

დატოვეთ კომენტარი

კომენტარები

Загрузка...