საქართველოში მომუშავე აზერბაიჯანელი ბიზნესმენები დავით გარეჯის პრობლემის გამო სოციალურ ქსელში მათ წინააღმდეგ აგორებულ კამპანიაზე საუბრობენ. მათ პრობლემებს ბიზნესომბუდსმენმა ირაკლი ლექვინაძემ მოუსმინა.

აზერბაიჯანის ბიზნეს-ასოციაციის წარმომადგენელთა განცხადებით, ცილისმწამებლური კამპანია მათ საქმიანობასაც ვნებს და ქვეყნებს შორის ურთიერთობასაც აზიანებს. მათივე განცხადებით, ეს ნეგატიურად აისახება საქართველოს ეკონომიკასა და იმ მოქალაქეებზე, ვინც ასოციაციის წევრ და სხვა აზერბაიჯანულ კომპანიებში არიან დასაქმებულები.

ირაკლი ლექვინაძის განცხადებით, აზერბაიჯანული კომპანიების წინააღმდეგ კამპანიის აგორების მცდელობა აზიანებს ქვეყნებს შორის არსებულ წარამტებულ ბიზნეს ურთიერთობებს.

„ვხედავთ, რომ სოციალურ ქსელებში არის მცდელობა აზერბაიჯანული კომპანიების წინააღმდეგ კამპანიის აგორების. საქართველოში ბევრი აზერბაიჯანელი ინვესტორი ახორციელებს წარმატებით საკუთარ საქმიანობას და დაუშვებელია მსგავსი ტიპის კამპანიები. ამას ნეგატიური გავლენა აქვს აზერბაიჯანული კომპანიების საქმიანობაზე საქართველოში და ამას გარდა აზიანებს ქვეყნებს შორის არსებულ წარმატებულ ბიზნეს ურთიერთობებს. ბიზნესომბუდსმენის აპარატი მზად არის კომპეტენციის ფარგლებში მხარი დაუჭიროს აზერბაიჯანული კომპანიების ბიზნეს საქმიანობას საქართველოში“, – აცხადებს ირაკლი ლექვინაძე.

14 მაისს ბაქოში საქართველოს და აზერბაიჯანის რესპუბლიკის სახელმწიფო საზღვრის სადელიმიტაციო კომისიების თავმჯდომარეებს შორის სამუშაო შეხვედრა გაიმართა. შეხვედრაზე შეთანხმდნენ, რომ ორი ქვეყნის სამთავრობო კომისიების ოფიციალური სხდომა შემდეგ კვირას ჩატარება.

განცხადება გაავრცელა აზერბაიჯანის მთავრობამაც. ქვეყნის საგარეო საქმეთა სამინისტროს აქვს მოლოდინი, რომ დელიმიტაციის საკითხზე მოლაპარაკებები მალე დასრულდება.

7 მაისს, დავით გარეჯის მონასტერთან დაკავშირებით საპატრიარქოში აზერბაიჯანის ელჩთან, დურსუნ ჰასანოვთან და სრულიად კავკასიის მუსლიმთა სამმართველოს ხელმძღვანელის ფაშა ზადეს წარმომადგენელთან ალი ალიევთან შეხვედრა გაიმართა.

აღდგომის დღსასწაულამდე დავით გარეჯში, უდაბნოს მონასტრამდე მისასვლელი გზა ცოტა ხნით დაკეტილი იყო. ამის შესახებ თავდაპირველად ინფორმაცია არქიმანდრიტმა კირიონმა (ონიანი) გაახმოვანა და დახმარება ითხოვა. ის ამბობდა, რომ აზერბაიჯანელებმა უდაბნოს მონასტერი გადაკეტეს და სასულიერო პირებს მონასტერში აღარ უშვებდნენ. მათ შორის პრობლემები ჰქონდათ გადაადგილების კუთხით ტურისტებსა და მომლოცველებს.მაშინ არქიმანდრიტმა თქვა, რომ გარეჯში სიტუაცია მას შემდეგ გართულდა, რაც იქ პრეზიდენტი სალომე ზურაბიშვილი იმყოფებოდა.

აღდგომის დღესასწაულამდე ერთი დღით ადრე, სასულიერო პირებისთვის, მომლოცველებისა და ტურისტებისთვის უდაბნოს მამათა მონასტრამდე მისასვლელი გზა გაიხსნა.

დატოვეთ კომენტარი

კომენტარები

Загрузка...