Air France-ის თვითმფრინავმა საგანგებო დაშვება კანადაში განახორციელა. ფრანგული ავიაკომპანიის სამგზავრო ლაინერი პარიზიდან ლოს ანჯელესის მიმართულებით ასრულებდა რეისს, როდესაც ძრავასთან პრობლემები შეექმნა.

Airbus A380 -ის ბორტზე 496 მგზავრი და ეკიპაჟის 24 წევრი იმყოფებოდა. თვითმხილველების თქმით, მსოფლიოში ყველაზე დიდი სამგზავრო თვითმფრინავის ერთ-ერთი ძრავა მაშინ დაიშალა, როდესაც ლაინერი გრენლანდიის დასავლეთით მიფრინავდა.

აღსანიშნავია, რომ თვითმფრინავმა დაზიანების შემდეგ კიდევ სამ საათს იფრინა. მგზავრების მიერ გადაღებულ ფოტოზე დაშლილი ძრავა და დაზიანებული ფრთა ჩანს.

პილოტებმა თვითმფრინავი კანადაში, ქალაქ გუს-ბეიში დასვეს. მომხდარის შედეგად, არავინ დაშავებულა. ავარიული დაშვების შემდეგ, მგზავრები რამდენიმე საათის განმავლობაში ბორტზე იმყოფებოდნენ, რადგან გუს-ბეის აეროპორტში Airbus -ის მომსახურებისთვის საჭირო ტექნიკა არ აღმოაჩნდათ.

წყარო: BBC

დატოვეთ კომენტარი

კომენტარები

Загрузка...