ფეხბურთის ფედერაციასთან გამართულ აქციაზე დაკავებულების ადვოკატი ცირა ჯავახიშვილი აცხადებს, რომ ერთ-ერთი მათგანი, გიორგი ჭელიძე სასტიკადაა ნაცემი. რაც შეეხება სხვებს, ადვოკატი აცხადებს, რომ მათი ჯანმრთელობის მდგომარეობაც და ადგილმდებარეობაც უცნობია.

“ოთხი საათია ვარკვევთ, თუ სად იმყოფებიან დაკავებულები და ზუსტად ვერ დავადგინეთ”, – ამბობს ადვოკატი.

დღეს პოლიციასთან დაპირისპირება მოხდა ფეხბურთის ფედერაციასთან გურამ კაშიას წინააღმდეგ გამართულ აქციაზე, რომლის ორგანიზატორიც ქართული მარშია. პოლიციამ 6 პირი დააკავა.

ფეხბურთელმა LGBT პირთა მხარდამჭერი სამკლაურით 16 ოქტომბერს იასპარეზა, რის გამოც მისი გულშემატკივრების კრიტიკა დაიმსახურა. მოგვიანებით, ფეხბურთელმა მათ კრიტიკას უპასუხა: ყოველთვის მხარს ვუჭერ ადამიანების თავისუფლებას და წინააღმდეგი ვარ ძალადობის. ძნელი ასახსნელია, მაგრამ ჩვენს ქვეყანაში ზოგი ადამიანი ამას ვერ იგებს”, – დაწერა კაშიამ Facebook-ზე.

გურამ კაშიას მხარდაჭერა გამოუცხადეს ლევან კობიაშვილმა, სხვა ფეხბურთელებმა და სპორტულმა ჟურნალისტებმა.

გურამ კაშიას მხარდაჭერა გამოუცხადა საქართველოს პრეზიდენტმა გიორგი მარგველაშვილმაც.

დატოვეთ კომენტარი

კომენტარები

Загрузка...