დღეს, სასტუმრო ,,ვერე-პალას“-ში  საქართველოს ადვოკატთა დამოუკიდებელი პროფკავშირის პრეზენტაცია გაიმართა. იგი  2016 წლის 31 ოქტომბერს, ადვოკატების ინიციატივით დაფუძნდა. ადვოკატთა პროფკავშირის დამფუძნებელმა კონფერენციამ, თავმჯდომარედ უფლებადამცველი და ადვოკატთა ასოციაციის აღმარულებელი საბჭოს წევრი, გიორგი თევზაძე აირჩია.გამგეობის წევრები კი არიან: მამუკა ნოზაძე, ზურაბ როსტიაშვილი, ზაზა ხატიაშვილი, გიორგი თევზაძე, ელზა ლეშკაშელი, ლია მასიკაშვილი, ელგუჯა ჩხაიძე, ელგუჯა მირველაშვილი და მამუკა ტივიშვილი.

,,ფოსტალიონს“ პროფკავშირის თავმჯდომარემ, გიორგი თევზაძემ განუცხადა,  რომ საქართველოს ადვოკატთა დამოუკიდებელი პროფკავშირის დაარსების მიზანია, დაეხმაროს ადვოკატებს პროფესიული დამოუკიდებლობის განმტკიცებაში, უფლებებისა და თავისუფლებების დაცვაში. ადვოკატთა დამოუკიდებელი პროფკავშირი ასევე მონაწილეობას მიიღებს შესაბამისი საკანონმდებლო ბაზის მომზადებაში, ადვოკატთა პროფესიული ღირსებების ამაღლებასა და განმტკიცებაში.

img_7298

.

img_7268

ღონისძიებაზე გაფორმდა მემორანდუმი ადვიკატთა დამოუკიდებელ პროფკავშირსა და ადვოკატთა ასოციაციას შორის.

ზაზა ხატიაშვილი:

_ ადვოკატებს უნდა ჰქონდეთ ისეთი არასამთავრობო ორგანიზაცია, რომელიც ორიენტირებული იქნება მხოლოდ ადვოკატთა უფლებების დაცვაზე. ამ პროფესიის ადამიანების ერთსულოვნება პროფკავშირში, ხელს შეუწყობს ადვოკატის უფლებების დაცვას.

მას შემდეგ, რაც ადვოკატთა ასოციაციის თავმჯდომარე გავხდი, ჩემი ძირითადი საქმიანობა შემოისაზღვრა ადვოკატთა უფლებების დაცვით, მაგრამ ხშირ შემთხვევაში მარტო მიწევს ამის კეთება. რა თქმა უნდა, სჯობს, ჩემს გვერდით იდგეს დამოუკიდებელი პროფკავშირი, რომელიც ასოციაციასთან ერთად იბრძოლებს თითოეული ადვოკატის უფლებებისთვის. ჩვენ ერთად ბევრ კარგ საქმეს გავაკეთებთ.

img_7303

მამუკა ნოზაძე, ადვოკატთა დამოუკიდებელი პროფკავშირის ერთ-ერთი დამფუძნებელი:

_ ამჟამად ადვოკატის ინსტიტუტი არის ძალიან ძლიერი, თუმცა ერთი ნაბიჯი კიდევ გადავდგით მისი სრულყოფისთვის. მართალია ჩვენ თვითონ ადამიანის უფლებებს ვიცავთ,  მაგრამ ზოგჯერ დაცვა  თავადაც გვჭირდება. ასე, რომ თუ ვინმე ადვოკატთა წინააღმდეგ ხელს აღმართავს და უკანონობის ჩადენას დააპირებს, ასოციაციასთან ერთად  პროფკავშირიც ფეხზე დადგება და გაერთიანებული ძალებით ვიბრძოლებთ  ამ პროფესიის ადამიანების დასაცავად.

img_7324

ლალი ბიწოშვილი, ადვოკატი:

_ მოხარული ვარ ადვოკატთა პროფკავშირი რომ შეიქმნა. ვერცერთი ადვოკატი წინასწარ ვერ მიხვდება, კლიენტი როგორი ადამიანია. არის შემთხვევები, როცა ყველანაირად დაეხმარები პიროვნებას, მაგრამ იმის გამო, რომ გადახდილი თანხა უკან დაიბრუნოს, წერს ადვოკატის წინააღმდეგ განცხადებებს და უჩივის მას. ამიერიდან კი ჩვენ გვეყოლება პროფკავშირი და ის დაიცავს ჩვენს სიმართლეს.

პრეზენტაციაზე გამოცხადდა  ადვოკატთა დამოუკიდებელი პროფკავშირის საქმიანობის პრიორიტეტული მიმართულებებიც. ეს გახლავთ:

  1. ადვოკატთა სამართლებრივი და უფლებრივი მდგომარეობის მარეგულირებელი საკანონმდებლო ბაზის განვითარების ხელშეწყობა;
  2. 2. პროფესიული საქმიანობის პროცესში ადვოკატთა უფლებრივი და სამართლებრივი დაცვის ხელშეწყობა.
  3. სამართლებრივი და პოლიტიკური ნიშნით, დევნის მსხვერპლთა უფლებების დაცვა და სამართლებრივი მომსახურება.
  4. ადვოკატთა სოციალური ინტერესების დაცვის ხელშეწყობა.
  5. საქართველოს მოქალაქეების მიერ საქართველოს ან სხვა სახელმწიფოს წინააღმდეგ ადამიანის უფლებათა ევროპულ  სასამართლოში წარდგენილ საჩივრებზე  მიღებული გადაწყვეტილებების შესრულების მონიტორინგი და აღსრულების ხელშეწყობა.
  6. ადვოკატების პროფესიული საქმიანობის ხელშეწყობა, ომისა და შეიარაღებული ძალების ვეტერანების და მათთან გათანაბრებული  პირების  უფლებების დაცვის მიზნით.
  7. ადვოკატთა საზოგადოებრივი ნდობის გაზრდისა და საზოგადოების სამოქალაქო განათლების ხელშეწყობა.
  8. საქართველოს ადვოკატთა დამოუკიდებელი პროფკავშირის საქმიანობის შესახებ საზოგადოების მეტად ინფორმირებულობა.

ადვოკატთა დამოუკიდებელ პროფკავშირს ექნება კომისიები და  რეგიონალური ბიუროები. მისმა ხელმძღვანელმა, გია თევზაძემ გვითხრა, რომ ისინი  ითანამშრომლებენ ყველა დაინტერესებულ უწყებასთან. ადვოკატთა დამოუკიდებელი პროფკავშირის  მართვის ორგანოებია: საერთო კრება (კონფერენცია), გამგეობა და თავმჯდომარე. ძირითადი და სტრატეგიული პარტნიორია _ საქართველოს ადვოკატთა ასოციაცია.

წყარო postalioni.com

დატოვეთ კომენტარი

კომენტარები

Загрузка...