თბილისში გარევაჭრობის ადგილად მიჩნეულია ქუჩები, მოედნები, ტროტუარები, დასასვენებელ ადგილებში მცირე სტაციონარული არქიტექტურული ფორმებიდან და არასტაციონარული კონსტრუქციებიდან ვაჭრობა, – ამის შესახებ საკანონმდებლო მაცნეში წერია.

„იმედის დღემ“ მოამზადა რეპორტაჟი, რომელიც თბილისშია გადაღებული და აღმოჩნდა, რომ არსებობს უბნები და ადგილები, სადაც მოქალაქეები რეგულაციების მიუხედავად, აკრძალულ ადგილებში მაინც ვაჭრობენ.

გლდანის ტერიტორიაზე მდგარი გარემოვაჭრეები ამბობენ, რომ ისინი პროდუქტებს დილის 9 საათამდე ყიდიან, რადგან მათ 9 საათიდან ზედამხედველობის სამსახური აკონტროლებს.

საღამოს საათებში გამოდიან გარემოვაჭრეები ვარკეთილის მეტროს ტერიტორიაზე. მათი თქმით, საღამოს საათებში გარევაჭრობას არ უკრძალავენ.

თავისუფლად ვაჭრობენ ტროტუარებზე დიღომშიც. გაურკვევლი წარმომავლობის ხორცი ავტომობილებიდან იყიდება, გლდანში.

მოქმედი რეგულაციის მიხედვით,  გარევაჭრობა შესაბამისი ნებართვის გარეშე, გამოიწვევს ფიზიკური, ან იურიდიული პირის დაჯარიმებას 20-50 ლარით და საგნის კონფისკაციით.

სტატისტიკის მიხედვით ირკვევა, რომ 2015-2016 წლებში სამართალდარღვევის ოქმი არ დაწერილა. 2017 წელს თბილისის მასშტაბით მხოლოდ ერთი ფიზიკური პირი დაჯარიმდა. 2018 წლის პირველი იანვრიდან დღემდე 22 სამართალდარღვევის ოქმი შედგა. ჯარის თანხობრივი რაოდენობა 860 ლარია.

მიმდინარე წლის ივლისიდან ამოქმედდა კანონი, რომლის მიხედვით, უნებართვო გარევაჭრობა სატრანსპორტო ან მასზე მისაბმელი საშუალების, ან სხვა მექანიკურად მოძრავი საშუალების გამოყენებით, 1000 ლარით დაჯარიმდება და სამართალდამრღვევს ვაჭრობის საგანს წაართმევენ.

თუმცა გაირკვა, რომ რეგულაცია, რომელიც მიმდინარე წლის სექტემბერში უნდა ამოქმედებულიყო, 2019 წლის მარტამდე გადავადდა.

წყარო: imedinews.ge

დატოვეთ კომენტარი

კომენტარები

Загрузка...