საგამოცდო ცენტრების უმეტეს ნაწილში გაგრილების სისტემა არ არის. აპლიკანტები ამბობენ, რომ შენობებში ძალიან ცხელა, რაც გამოცდების წარმატებით ჩაბარებას ართულებს.

“საგამოცდო ცენტრში ძალიან ცხელა, სუნთქვა თითქმის შეუძლებელია. მიუხედავად ამისა, ვეცადე ყველა გამოცდა ჩამებარებინა”

ექიმი მარინა ღარიბაშვილი მიუღებლად თვლის საგამოცდო ცენტრში გაგრილების არარსებობის საკითხს და შესაბამის ორგანოებს პრობლემის გამოსწორებას დროულად ურჩევს.

“ეს არის ბავშვებზე ირიბი ძალადობა. რა აზროვნება უნდა ჰქონდეთ ასეთი ანომალური სიცხეების დროს. შეგუბებული და დაკეტილი სივრცე ტვინის ჰიპოქსიას იწვევს, ჟანგბადის ნაკლებობას ტვინში, რამაც შესაძლოა სასტიკად შეანელოს ადამიანის აზროვნება და ამ დროს სტრესიც უფრო მძიმეა”, – აცხადებს მარინა ღარიბაშვილი.

კიდევ ერთი პრობლემა, რომელიც შესაძლოა სიცხესთანაც იყოს დაკავშირებული იმაშია, რომ გორის საგამოცდო ცენტრში, აბიტურიენტებს საწერი კალმები „აუდუღდათ“.

“დღეს გამოცდაზე კალმის გამოცვლა ორჯერ მომიწია. კალამი ხელში ჭერისაგან ისე გაცხელდა, რომ ადუღდა და ნაშრომიც დამესვარა, რის გამოც მისი გადაწერა ხელახლა მომიწია”, – ამბობს ბექა გივიაშვილი.

“გამოცდაზე კალამი მეც რამდენჯერმე გამოვცვალე. ჩემს მეგობარს კი, რომელიც გამოცდას ჩემს სექტორში აბარებდა, საწერი კალამი საერთოდ ხელებში აუფეთქდა” , – ამბობს თამარ თევდორაძე.

დატოვეთ კომენტარი

კომენტარები

Загрузка...